سرگودھا میں وائلڈ لائف پارک بنانے کیلئے فزیبلٹی رپورٹ مکمل کرلی گئی

سرگودھا ۔۔۔۔۔سرگودھامیں وائلڈ لائف پارک بنانے کے لئے فزیبلٹی رپورٹ مکمل کرلی گئی ہے ، فزیبلٹی رپورٹ کے مطابق ماڈل ٹاؤن کے قریب اس منصوبہ کے لئے 24 ایکڑ اراضی مختص کردی گئی ہے ۔ یہ بات کمشنر سرگودھا ندیم محبوب نے ایک فورم سے خطاب کرتے ہوئے بتائی ۔ انہوں نے مزید بتایا کہ حکومت نے
سرگودھا ڈویلپمنٹ اتھارٹی کے قیام کی بھی منظوری دے دی ہے جس کے قیام سے ترقی کی نئی راہیں کھلیں گی ۔ انہوں نے مزید بتایا کہ سرگودھا میں 14 مختلف مقامات پر پبلک واش رومز بھی بنائے جارہے ہیں ۔ اوریہ منصوبہ دو ماہ کے اندر اندر مکمل کرلیا جائے گا ۔ کمشنر سرگودھا ندیم محبوب نے کہا کہ خانہ بدوش بچوں اور خواجہ سراؤں کوبنیادی تعلیم کے علاوہ فنی تعلیم کی فراہمی ،ہیلتھ کیمپ اور ہیلتھ کارڈ کااجراء کیا جارہا ہے ۔