پاکستانی لیجنڈ گلوکار راحت فتح علی خان کو شہزادہ چارلس نے برطانیہ میں بڑا عہدہ سونپ دیا

لندن۔۔۔۔۔شہزادہ چارلس نے راحت فتح علی خان کو بڑا عہدہ سونپ دیا ہے ، انھیں برٹش ایشین ٹرسٹ کا سفیر برائے ”چیریٹی“ مقرر کیا گیا ہے ۔ برٹش ایشین ٹرسٹ کی جانب سے چوتھے سالانہ عشائیہ کا اہتمام کیا گیا جس میں شہزادہ چارلس نے بھی شرکت کی جبکہ اس موقع پر راحت فتح علی خان نے مرحوم نصرت فتح علی خان کے معروف گیت ” تیرے بن نہیں دل لگدا“ پر شاندار پرفارمنس سے تقریب کو چار چاند لگادئیے ۔ اس موقع پر شہزادہ چارلس نے راحت فتح علی کے فن موسیقی کو سراہتے ہوئے انھیں برٹش ایشین ٹرسٹ کا سفیر برائے ”چیریٹی“ بنانے کا اعلان کیا جبکہ اس کے ردعمل میں راحت فتح علی خان نے سماجی رابطے کی ویب سائیٹ ٹوئٹر پر شہزادہ چارلس سے ملاقات پر خوشی کا اظہار بھی کیا ۔