بھارتی وزیر اعظم نریندر مودی کو گنجا کرکے منہ کالا کرنے والے کیلئے 25 لاکھ روپے انعام کا اعلان کردیا گیا

کولکتہ۔۔۔۔۔بھارتی عالم دین نے اعلان کیا ہے کہ جو کوئی بھی بھارتی وزیر اعظم نریندر مودی کی داڑھی کاٹ کر اور انھیں گنجا کرکے ان کا منہ کالا کرے گا اس کو 25 لاکھ روپے انعام دیا جائے گا ۔ مغربی بنگال سے تعلق رکھنے والے ٹیپو سلطان مسجد کے شاہی امام مولانا نور الرحمان برکاتی اور مسجد کی شوریٰ نے بھارتی وزیر اعظم نریندر مودی کے خلاف بیان جاری کیا ہے جس میں کہا گیا ہے کہ نوٹوں کے مسئلے کے بعد عام آدمی کے مسائل میں اضافہ ہوتا چلا جارہا ہے ۔ بھارت کے زیادہ تر عوام ممتا بینرجی کو وزیر اعظم کے طور پر دیکھنا چاہتے ہیں ۔ مولانا نور الرحمان برکاتی نے کہا کہ مودی کا داڑھی رکھنا جعل سازی ہے لہذا جو بھی مودی کی داڑھی کاٹ کر اور انھیں گنجا کرکے ان کا منہ کالا کرے گا اسے 25 لاکھ روپے انعام دیا جائے گا ۔