محکمہ صحت میں درجہ چہارم میں بھرتی کیلئے آئے 7 امیدوار گرمی سے بے ہوش ہوگئے

سرگودھا: سرگودھا میں محکمہ صحت کے درجہ چہارم کے ملازمین کی بھرتی کے لئے آنے والے 7 امیدوار گرمی کی شدت سے بے ہوش ہوگئے ۔ بتایا گیا ہے کہ محکمہ صحت سرگودھا میں درجہ چہارم کی 175 آسامیوں کیلئے 12050امیدوار انٹرویو کیلئے آئے تھے ۔ محکمہ صحت نے اتنی بڑی تعداد میں امیدواران کو بلایا لیکن پانی اور گرمی سے بچاؤ کیلئے کوئی انتظام نہ کیا جس کی وجہ سے 7 امیدواران شدید گرمی برداشت نہ کرپائے اور بے ہوش ہوگئے ۔ بعد ازاں امیدواران نے محکمہ صحت کے حکام کے خلاف اس لاپرواہی اور سردمہری پر احتجاج بھی کیا ۔ بتایا گیا ہے کہ محکمہ صحت میں ان دنوں خالی آسامیوں پر بھرتی کا سلسلہ جاری ہے ۔ محکمہ میں ڈرائیور کی 200 آسامیاں خالی ہیں جن پر 11055 ، مڈوائف 150 آسامیوں کیلئے 13073 بیروزگار امیدواران نے درخواستیں جمع کروارکھی ہیں ۔