کمرہ عدالت میں جج اٹھا اور خاتون کے ہاتھ چومنے لگا ۔ وہ خاتون کون تھی ؟یہ تحریر آپ کو بھی ضرور پڑھنی چاہیے ۔

امان : عرب ملک اردن کی عدالت میں ایک خاتون کو جب عدالت میں پیشی کیلئے پیش کیا گیا تو جج فوراً ہی اپنی نشست سے اٹھ گیا اور خاتون کے پاس آکر اس کے ہاتھ چومنے لگا ۔ تفصیلات کے مطابق اردن کی عدالت میں موجود حاضرین اس وقت حیران رہ گئے جب ایک کیس کی سماعت کے دوران جج اپنی نشست چھوڑ کر سیدھے ملزم خاتون کی جانب چل دئیے ، خاتون کے قریب جاکر جھک گئے اور ان کا ہاتھ چوم لیا ۔ جج کے اس اقدام پر خاتون بھی حیرت زدہ ہوگئی ۔ تاہم جلد ہی جج نے بتادیا کہ وہ خاتون ان کی استانی ہیں اور وہ پرائمری کلاس میں ان کے پاس پڑھتے رہے ہیں۔ واضح رہے کہ خاتون ٹیچر کو سکول میں ایک بچے پر ہاتھ اٹھانے کے الزام کا سامنا ہے ۔