ہم پاکستان اور چین سے لڑ ہی نہیں سکتے : بھارتی دفاعی تجزیہ نگار کا انکشاف

اسلام آباد : بھارتی میڈیا کی حقائق پر مبنی رپورٹ نے بھارت سمیت خطے بھر میں تہلکہ مچادیا ہے ۔ بھارت کے دفاعی تجزیہ کار ایشلے ٹیلس جنھیں پوری دنیا میں جانا مانا جاتا ہے نے ایک رپورٹ مرتب کی ہے جس میں یہ انکشاف کیا گیا ہے کہ بھارت پاکستان اور چین سے کبھی بھی جنگ نہیں کرسکتا کیونکہ بھارت پاکستان کے مقابلے میں کہیں کمزور ہے ۔ بھارتی ٹی وی NDTV کے پروگرام میں میزبان نے بھارت کے ایک اور دفاعی تجزیہ کار پروفیسر بھکشی سے اس متعلق رائے طلب کی تو انہوں نے کہا کہ اس میں کلی طور پر بالکل حقیقت ہے کہ پاکستان کے مقابلے میں بھارت بہت پیچھے چلا گیا ہے ۔ پروفیسر بھکشی نے کہا کہ بھارتی چیف آف ائیر سٹاف بھی اس بات کا برملا اقرار کرچکے ہیں کہ ہم پاکستان سے کسی صورت جنگ کرنے کے متحمل نہیں ۔ پروفیسر بھکشی نے کہا کہ بھارت کے ائیر چیف نے جو سچ بولا ہے وہ بھارت میں پہلی بار کسی نے سچ بات کہی ہے ۔ پروفیسر بھکشی نے مزید کہا کہ ہماری فوجی قوت اتنی گھمبیر ہے کہ ہم پاکستان سے جنگ کر ہی نہیں کرسکتے ۔ انہوں نے مزید کہا کہ بھارت کے پاس 44 سکواڈرن لیڈر تھے جو اب کم ہوکر 32رہ گئے ہیں اور بھارت ہمیشہ دوسروں سے اسلحہ خریدتا ہے جبکہ چین اور پاکستان ایک دوسرے کے ساتھ مل کر اسلحہ بنارہے ہیں اور ایک دوسرے کی مدد کررہے ہیں ۔ پروفیسر بھکشی نے انکشاف کرتے ہوئے یہ بھی کہا کہ ہم کوئی بھی ائیر کرافٹ نہیں بناتے ، نہ اس کا کوئی انجن بناتے ہیں کیونکہ ہم کوئی ائیر کرافٹ ، انجن اور مشین گن بنانے کے قابل ہی نہیں ہیں ۔ انہوں نے کہا کہ صرف ہماری ائیر فورس ہی پاکستان کے مقابلے میں بہت پیچھے نہیں بلکہ نیوی اور آرمی کا بھی یہی حال ہے ۔ انہوں نے مزید کہا کہ 2025 ء تک چین پاکستان کی مدد سے بنائے گئے 300 سے 400 جنگی جہاز بھارت کے کسی بھی حصے میں اتارنے کے قابل ہوجائیگا ۔ واضح رہے کہ بھارتی دفاعی تجزیہ نگار پروفیسر بھکشی کے تہلکہ خیز انکشافات سے بھارتی سورماؤں کو سانپ سونگھ گیا ہے ۔