بڑی سیاسی شخصیت کا ملک بھر میں پولیس مقابلوں پر پابندی کا مطالبہ

کراچی(عاطف فاروق ڈاٹ کام) پاکستان پیپلز پارٹی (پی پی پی) کے چیئرمین بلاول بھٹو زرداری نے کہا ہے کہ وہ ملک بھر میں ہونے والے پولیس مقابلوں کی مذمت کرتے ہیں، کسی کو مار کر دہشت گردی کو ختم نہیں کرسکتے۔کراچی میں رکنیت سازی
مہم کی افتتاحی تقریب سے خطاب میں انہوں نے کہا کہ پورے ملک میں پولیس مقابلوں پر پابندی لگادینی چاہیے، سابق ایس ایس پی ملیر راؤ انوار کو بھی شفات تحقیقات کا حق حاصل ہے۔بلاول بھٹو زرداری کا کہنا تھا کہ سندھ میں مجموعی طور پر امن و امان کی صورتحال بہتر ہوئی ہے۔انہوں نے کہا کہ پیپلز پارٹی نے رکنیت سازی مہم کا آغاز کر دیا ہے اور اس سلسلے میں ویب سائٹ بھی متعارف کروائی گئی ہے جس کے ذریعے کارکن پارٹی عہدیداروں کیخلاف شکایات بھی درج کراپائیں گے۔ان کا کہنا تھا کہ محترمہ کی شہادت کے بعد سے ہم نے رکنیت سازی مہم شروع نہیں کی۔بلاول بھٹو نے کہا کہ ہمیں مثبت سیاست میں نوجوانوں کو شامل کرنا ہے اور نفرت کی سیاست کا خاتمہ کرنا ہے، پیپلز پارٹی ایک پرامن اور ترقی یافتہ پاکستان بنانا چاہتی ہے۔